Kan nokon gripe inn

Hovedscenen, Turneteatret

Bill. kr. 420,-
Skole/Student kr. 320,-

Honnør kr. 320,-
Gruppe over 10 kr. 320,-
Rabattavtale kr. 320,- (ARK, Bokklubben , Utdanningsforbundet , Sykepleierforbundet, Teatervenner Norge, ansatte i DNB.  Du må oppgi kode for å kjøpe billett)
Coopavtale kr. 300,- (Du må oppgi kode fra medlemsbrev)

Ledsagerbevis godtas. Billett kjøpes hos en av Kultar sine utsalgssteder.
Forestillingen varer i 90 min. uten pause.

Etter suksessen med Bikubesong, tar Lasse Kolsrud for seg Stein Torleif Bjellas musikk.

Vi er på ein stasjon ein stad på bygda. Dei fleste tog dundrar forbi, men det er framleis liv i bygninga som har sett sine beste dagar. Hit kjem dei som vil reise vekk, som vil sleppe frå, som lengtar etter at kjærasten skal kome, som søker kontakt – eller som berre vil at nokon skal gripe inn.

Stein Torleif Bjellas karakterar og musikk dannar grunnlaget for framsyninga Kan nokon gripe inn. Lasse Kolsrud har skrive manus og har regi. Han har tidlegare, med stor suksess, skapt forteljingar om vanlege folks liv frå vanlege bygde- og småbysamfunn. I Bikubesong (av Frode Grytten, dramatisert av Lasse Kolsrud) følgde vi familiane i ei blokk i sentrum av Odda. I Sånne som oss (av Frode Grytten/DNS) fekk vi innblikk i tre generasjonar innbyggjarar i forstaden Loddefjord utanfor Bergen. I Bikubesong var det The Smiths som lydla scenerommet. John Olav Nilsen og gjengen var tonefølgjet i Sånne som oss. Denne gongen har Lasse Kolsrud fridd til ein av notidas aller fremste visekunstnarar.

Stein Torleif Bjella har sett ord og musikk til mange lagnader i distrikts-Noreg. Sjølv har han vendt tilbake til heimbygda Ål etter nokre år i hovudstaden. Her har han for alvor slått gjennom med songar om den norske bygdesjela. Dei handlar om vanlege folk, som alle strir med sitt, og som fåmælt og famlande prøver å finne ein plass – i kjærleiken og i verda. Det er motbakkar, små og store kriser, det er umogleg kjærleik og det er lange etableringsfasar.

Songane i framsyninga er henta frå albuma Heidersmenn, Heim for å døy, Vonde visu og Gode liv.

Framsyningstid: 90 minutter (ingen pause).

På scenen
Kjersti Dalseid, Pål Christian Eggen, Hallvard Holmen, Lasse Kolsrud, Joachim Rafaelsen, Hildegun Riise og Hans Rønningen. Band: Svenn Erik Kristoffersen, Nils Jansen, Christian Svensson, Marius Reksjø og Mats Grønner.

Team
Tekst og musikk: Stein Torleif Bjella. Manus og regi: Lasse Kolsrud. Scenograf og kostymedesignar: Siri Langdalen. Lysdesignar: Torkel Skjærven. Koreograf: Belinda Braza. Lyddesignar: Jostein Reistad. Dramaturg: Carl Morten Amundsen.

Kan nokon gripe inn er ein samproduksjon mellom Det Norske Teatret og Riksteatret.